赤本山 (已結業)

襯著聖誕節就到，約返啲好耐無見嘅朋友食飯，今之去到將軍澳真係友情嘅考驗（笑～），朋友仲未有得去旅行，又見到我之前啲旅行相，就決定食 ，晚餐有以餐廳名為名的赤、本、山正個選擇（$980-$1,380），可以按個人喜好選擇，今次就齊齊食「本」$1,080。◽️ 先付精緻的前菜先令人食指大動，有香口的炸蟹仔、品嘗食材原味的甜南瓜、家常味道的煮薯仔、脆脆的牛蒡，先令人胃口大開。◽️ 越前香箱蟹蟹子、蟹膏、蟹肉冬天限定的香箱蟹，這個集蟹肉、蟹膏和蟹子於一身，能同時嘗到其鮮甜甘香，蟹子亦增添豐富口感。◽️ 燒鱈魚白子口感creamy夠滑，特別增添了酸汁啫喱和七味粉，微辣帶惹味。◽️ 汁煮八爪魚以秘製醬汁煮製，八爪魚很入味，口感軟腍之餘依然帶少許煙韌，愈咬愈有口感。◽️ 黑松露蟹肉忌廉薯餅金黃色很吸引，切開即有陣陣黑松露香氣，食落仲食到絲絲蟹肉，以3.6牛乳代替忌廉，食落無咁膩。◽️ 伊佐木魚味較淡卻鮮甜且彈牙。◽️鮫鰈魚 + 火炙群邊群邊燒一燒，迫出油分，配上鮫鰈魚，一口食到兩份口感。◽️ 深海池魚望落都已經見到油光，食落更是肉質緊緻。◽️ 活赤貝師傳先拍一拍令赤貝收縮，食落會更爽口，加少許青檸汁有提鮮作用。◽️