鮨丼 (已結業)

新開小店早排上網見到鮨丼有6折，所以就去試下啦。Menu有好多選擇，有set好左又有自選丼。我地叫左2個自選丼，每個丼都送一個湯、前菜蘿蔔同甜品。一個中拖羅、馬糞海膽同帆立貝，另一個三文魚籽、赤貝同馬糞海膽。海膽都算鮮味，唔及得日本但係香港食既已經好好質素，帆立貝都好大粒同新鮮，兩樣份量亦好足。不過赤貝同中拖羅真係得好少，得2片，而且拖羅亦唔係好鮮味有油香，只係普通。同埋飯整體都好細，男仔肚餓食一定唔夠，同埋飯質太黏同太熱，同魚生唔太夾。甜品係一粒雪米糍，正正常常啦。整體黎講，新開張每個人都好有heart，從wasabi食得出應該係生磨既都見得出，而店員服務都不錯。不過價錢有啲偏貴，如果冇6折的話，可以話係唔太值呢個價錢。建議可以調節下份量/價格。