漁粉 (已結業)

去咗兆萬附近嘅樓上鋪「漁粉」食川菜火鍋👍🏼店鋪嘅地點方便易到 隔離就係兆萬同女人街☺️呢到嘅主打係火鍋川菜，仲有雞煲同埋酸菜魚揀添👍🏼店舖推薦我哋選擇芝士雞煲同埋酸菜魚，所以我地揀咗芝士雞煲🥘芝士味好香濃，啲雞都好滑，一啲都唔會因為煮得耐而太靭，店員都好細心咁提我地要keep住撈，避免癡底😊有時店主仲會過嚟幫我地撈一撈👍🏼食完芝士雞煲之後我哋選擇左芫荽皮蛋湯底做火鍋湯底🍲，芫荽皮蛋湯底就不過不失，芫荽嘅份量都好多👍🏼下次可能會選擇麻辣湯底（店舖推薦）自助區：所有食材都乾淨擺放，種類都好多可以選擇☺️，丸類、菇類、蔬菜、肉類全部都有得選擇，不過如果食材可以加返label就更加清晰👍🏼飲品區：飲品嘅種類都好多，汽水、茶、無糖茶、果汁呢啲全部都有🧃甜品區：我哋嗰日去到可以揀嘅甜品有阿波羅雪糕（雲呢拿同埋芋頭味）、雪條，仲有豆腐花添👍🏼火鍋放題第一次見到有豆腐花選擇，好驚喜😊總括嚟講，非常抵食👍🏼食材乾淨有驚喜☺️芝士雞煲用咗三重芝士，雞都十分嫩滑，推薦食呢度嘅芝士雞煲🥘🥘