初鮨 (已結業)

前兩日去咗試初鮨嘅omakase,位於彌敦道樓上鋪，地方裝修都幾好，好有omakase氣氛，坐低waitresses 就奉上一杯熱茶同埋抹手毛巾非常細心👍我哋一行三個大人一個小朋友叫咗三個$780set,小朋友食唔到生冷野所以叫咗碗湯烏冬，前菜有一份沙律同埋蒸蛋做頭盤，不過蒸蛋略嫌水份過多，之然係五色刺身，刺身略嫌遜色，有少少腥，應該係唔夠凍嘅關係，食完開胃菜之後開始重頭戲-廚師發板～有五色手握壽司🍣，不過魚應該唔新鮮所以食落有少少腥，米飯略嫌鬆散，不過海膽壽司同吞拿魚拖羅手卷值得一試👏👏到最後有蟹肉三文魚子飯，我已經食唔落俾咗朋友食，朋友大讚蟹肉鮮甜👍不過都係米飯略嫌遜色，食完主菜同主食，waitresses 會細心更換熱茶同埋準備甜品「荔枝雪芭」俾我哋清清味蕾，呢個真係好貼心嘅安排，不過如果可以提供咖啡就更加完美🥰🥰，總括來說今次係不一樣的體驗，感謝朋友用心的安排