URBAN Cafe (兆萬中心)

營業中

休息中

最近去咗urban cafe旺角新分店～ 呢度唔收入場費，只要達到最低消費就可以同超過40隻可愛嘅貓貓玩個夠，佢哋嘅食物質素都好高，份量又足，價錢又平吉列魚柳手工漢堡配薯條：魚柳炸得香脆，肉質鮮嫩，配上生菜、芝士同秘製醬汁，滋味非常。而配菜嘅薯條都炸得好香，外脆內軟，加埋調味，非常惹味。水牛城雞翼：雞翼醃得入味，炸得非常香口，外脆內嫩，表面塗上水牛城醬，辣度適中，唔會覆蓋雞肉嘅鮮甜。四重芝士煙肉拉絲通心粉：通心粉煮得軟硬適中，醬汁濃郁，有芝士、忌廉、牛奶同黑胡椒嘅味道。煙肉好香口，可以為通粉增加咬口同油香。每啖都可以拉出絲絲芝士，非常邪惡。熱檸檬茶同凍檸檬茶：兩款飲品都好清新，有自然嘅檸檬味同甜度。熱嘅可以暖胃，凍嘅可以消暑。