Grill 28

營業中

休息中

大年初一，一家三口行行下去到灣仔Brim28，淨係得返一間酒樓有開，但男人唔想飲茶，結果畀佢搵到間西餐，二話不說即入座。坐咗室外位置，當日好少人，環境清靜，叫咗兩個set lunch，百零蚊可選湯/沙律、主菜、甜品/飲品，非常抵食；男人獨沽一味牛扒，女人要同小孩share所以要魚，叫咗一湯一沙律，是日雜菜湯，酸酸地好開胃，沙律亦好新鮮，值得一提係個餐包，外形似一塊塊蛋糕但食落係面包質感，勁好食，三個人encore咗兩次！！！最驚喜係主菜，估唔到塊牛扒係用炭燒，即刻加晒分，魚跟上法式牛油檸檬汁，絕配，連開頭話唔食嘅小孩都食咗大半碟；最後揀咗甜品作結，菠蘿蛋糕配雲尼拿雪糕，大人小孩都食得開心，希望今年都繼續有食神。