影片
更多
2007-03-01
3 瀏覽
明知新年會多人, 明知觀塘間青葉serve 唔到咁多人, 原本我已經諗住幾大都唔會新年去... 同時係為免食到一肚氣, 所以先唔去. 點知男友屋企人唔知做咩話一定要去觀塘o個間... 哈, 結果如下:任食兩小時o既頭一個小時: 刺身只黎過一艇, 壽司一盤, 其他刺身同壽司o既單... 幾乎飛晒. 問waiter 點解咁耐都出唔到, 佢話人多... 同埋因為要擺靚D喎. Orz 熟食勁快到, 當時只係覺得D炸物有少少過左火, 尚算okay.錯單錯得好離譜. 明明叫四個o既變左兩個, 叫一份又唔知點解多左幾份, 令我諗起大久保. 還好呢度只係漏單或出錯數量, 無好似大久保咁塞一堆完全無叫過o既野俾你食. 汽水要催兩次先到. 我諗觀塘間青葉, 場係幾大, 但真係做唔到咁多客.同樣地D waiter 做到起晒火, 我只可以講句同情. 不過希望佢地敬業少少.任食兩小時o既後一小時: 刺身黎快左, 但切得一時厚一時薄; 壽司握飯力度不足, 可能係師傅過勞所致, 總之一夾即散; 鰻魚壽司無紫菜, 大概係因為忙中有錯. 強烈建議觀塘青葉請多一次師傅去頂D大時大節. 熟食相較一小時前出得慢左, 炸物變左
任食兩小時o既頭一個小時: 刺身只黎過一艇, 壽司一盤, 其他刺身同壽司o既單... 幾乎飛晒. 問waiter 點解咁耐都出唔到, 佢話人多... 同埋因為要擺靚D喎. Orz 熟食勁快到, 當時只係覺得D炸物有少少過左火, 尚算okay.
錯單錯得好離譜. 明明叫四個o既變左兩個, 叫一份又唔知點解多左幾份, 令我諗起大久保. 還好呢度只係漏單或出錯數量, 無好似大久保咁塞一堆完全無叫過o既野俾你食. 汽水要催兩次先到. 我諗觀塘間青葉, 場係幾大, 但真係做唔到咁多客.
同樣地D waiter 做到起晒火, 我只可以講句同情. 不過希望佢地敬業少少.
任食兩小時o既後一小時: 刺身黎快左, 但切得一時厚一時薄; 壽司握飯力度不足, 可能係師傅過勞所致, 總之一夾即散; 鰻魚壽司無紫菜, 大概係因為忙中有錯. 強烈建議觀塘青葉請多一次師傅去頂D大時大節. 熟食相較一小時前出得慢左, 炸物變左街邊質素, 唔使睇住佢炸我都知係大堆頭炸完灘凍左再拎出黎, 而且油唔夠熱, 炸完出黎油淋淋.
曾經食過係好食, 所以我堅持只係客太多先會咁. 經驗話俾我知, 如果見到觀塘青葉有半場至大半場滿的話, 千祈唔好入去. 否則你預左唔會覺得食得超值, 甚至覺得唔值.
如果想飽D可以去勁飲汽水, 反正... 唔使錢.
徹底失望我又未至於, 不過應該好一段日子唔會再去吧.
該日為七點前入席之優息時段, 138蚊一位, 一枱共五人.
張貼