嚐.鵝小廚 (已結業)

唔講都唔知道屯門新墟呢條巷仔有咁多嘢食，大部份都係晚上食打冷店舖，好有氣氛，經過點都要試吓！首先見到好多人都食乳鴿，一於都要整返一隻，上菜速度好快，乳鴿好脆皮，溫度夠熱，好香口，唔算太細隻，食到舔舔脷。之後點都要食返招牌嘅潮州滷水掌翼，份量多，兩個人一定食唔晒，我比較喜歡碟餸面頭有陣沙姜味道，呢個味道係其他潮州鋪頭食唔到，鵝翼非常大隻，肉質煙銀，好有趙口，鵝掌都唔差，不錯！另外再點左豉椒鵝腸，鵝腸好爽口，成碟好友鑊氣，同豉椒炒埋一齊味道好夾，都幾大碟下。最後點樣都要叫返個蠔仔粥，超級大碗，亦都有好多蠔仔，中等size，唔會好細隻，味道唔腥，可以食到飽一飽。埋單價錢非常可以接受，絕對係民生的好選擇。