麥當勞 (創紀之城一期)

營業中

休息中

大熱天時行街行到一身大汗，咁啱經過麥當勞甜品站，食番支新地筒確係正。麥記「沖繩の海鹽系列」雪糕推出了好一段時間，奈何甜品站唔係間間麥當勞都有，所以我無咁神心專登走去食所以遲遲未試。今次咁啱經過就點了朱古力脆皮海鹽味新地筒，$6.5食到依支雪糕已覺得抵，用埋alipay印仔減多$3仲更抵。軟雪糕被薄薄的朱古力脆皮包住看來好堅挺，顏色和造型都相當幾吸引，總覺得軟雪糕有淺藍色色素有點怪但也不想深究，反正間中食下一支半支亦無妨。朱古力皮比較脆身，一咬好易大片碎裂，大啖食好易崩塌，食起來有點論盡，咸味軟雪糕確係過癮，融合埋朱古力食甜甜地咸咸地的味道不錯。幻想緊如果加薄荷味有清涼冰爽的感覺相信會更完美。