芙蓉同源 (已結業)

去開土瓜灣探朋友，見到有新開張的台式飲品店，就行去睇下同試下先~店面設計得好靚又精繳，店員介紹呢到既茶葉都是來自台灣的，另外又見到有好多優惠。LIKE 社交平台就有9折了~呢到既飲品都好多選擇，有茶、芝士奶蓋、奶露等等。今日有D寒又下雨，所以我就買左個台灣古早味栗林老薑茶$23暖一暖身。個杯好靚，薑茶都好重薑味，而且都甜甜地，在呢D又凍又下雨天，真係好好的飲料~朋友就叫左呢個芋香珍珠奶露$35，因為見店都好大力推介。飲品的賣相很好，飲落好有香芋味，珍珠都彈牙好食。最特別既係佢有香芋肉，所以飲起來口感多一層，而且夾埋奶一起，成個口感同味道都好夾好好味。整體呢次新店體驗很好，下次就一於試下佢D台灣茶先。