LAB10 (已結業)

朗豪坊10/F開左間新韓西Fusion餐廳，父親節又冇book枱，睇完戲見呢度暫時唔洗排隊就一家人入去試下！可以叫牛/豬/雞/海鮮自己BBQ, 又有韓食同西餐，都好多選擇！價錢又OK! 我地咩都叫D！豬五花！牛肩肉仲正！牛味好重好juicy重點係爐兩邊就有抽風，燒完都唔會成身燒烤味！鵝肝石頭窩炒飯！好邪悪但又好香又有D飯焦！韓國海鮮蔥薄餅！好脆好多料！西餐一樣出色！海膽蟹肉忌廉意粉！有驚喜可能新餐廳試業中，仲未係好多人，但價錢食物裝修都不錯！順帶提下，餐廳出面有個Juice Lab! 有鮮果汁smoothies! 賣相同味道都不錯！好過飲糖漿糖水！