影片
更多
2019-02-16
1108 瀏覽
新春繼續周圍拜年，是日就到了新蒲崗，唔講唔知呢度附近多左新屋苑新商場，同親戚去左Port33行下，哈哈，個商場實在太新，入面無咩開門，有茶樓同幾間食店等，見悶悶地不如去飲杯野啦。商場內的人氣店，度度都無人食得Lanassa坐左幾枱客，一於黎呢度。橙柚星塵伯爵（$36）天氣熱想飲杯凍飲，揀左要星塵茶系列，貪佢特別啲間邊少見呀。入面係咁樣的，星塵係咩？其實係類似沙冰嘅野，但啲冰無咁碎，用粗飲管都啜到嘅。揀左橙柚口味，原因一因為鍾意伯爵茶嘅茶香多過鐵觀音，原因二覺得橙柚會苦苦地，另一款芒蘿感覺好甜（?）又貴少少喎，哈哈，最後係無失望嘅，橙柚係好夾，有橙香又有西柚味，酸酸甜甜加埋茶味好正，三十幾蚊咁大杯，邊行邊飲幾好呀。另一樣戰利品就係呢樣啦，估下係咩黎，呵呵。噠噠噠～榴槤芝士蛋糕呀（$158），見有蛋糕賣，仲有幾款唔同口味嘅芝士蛋糕，咁就要左親戚至愛的榴槤芝士蛋糕，好少見㗎！一磅裝雖然係細細個，但份量都唔細㗎，因為係綿密的芝士蛋糕，唔係得空氣嘅海綿蛋糕，一磅裝都好飽肚。分左六份（切行好差添…），芝士好香好滑，軟硬適中又唔膩，仲有濃郁嘅榴槤香，餅底唔厚，近乎全件都係芝士，夠濕潤總知就係正啦，榴
商場內的人氣店，度度都無人食得Lanassa坐左幾枱客，一於黎呢度。
橙柚星塵伯爵（$36）天氣熱想飲杯凍飲，揀左要星塵茶系列，貪佢特別啲間邊少見呀。
入面係咁樣的，星塵係咩？其實係類似沙冰嘅野，但啲冰無咁碎，用粗飲管都啜到嘅。揀左橙柚口味，原因一因為鍾意伯爵茶嘅茶香多過鐵觀音，原因二覺得橙柚會苦苦地，另一款芒蘿感覺好甜（?）又貴少少喎，哈哈，最後係無失望嘅，橙柚係好夾，有橙香又有西柚味，酸酸甜甜加埋茶味好正，三十幾蚊咁大杯，邊行邊飲幾好呀。
另一樣戰利品就係呢樣啦，估下係咩黎，呵呵。
噠噠噠～榴槤芝士蛋糕呀（$158），見有蛋糕賣，仲有幾款唔同口味嘅芝士蛋糕，咁就要左親戚至愛的榴槤芝士蛋糕，好少見㗎！
一磅裝雖然係細細個，但份量都唔細㗎，因為係綿密的芝士蛋糕，唔係得空氣嘅海綿蛋糕，一磅裝都好飽肚。
分左六份（切行好差添…），芝士好香好滑，軟硬適中又唔膩，仲有濃郁嘅榴槤香，餅底唔厚，近乎全件都係芝士，夠濕潤總知就係正啦，榴槤控推介！
同場加影～小朋友見到蛋糕就話要吹蠟燭，明明唔係生日，哈哈。
張貼
