肯德基家鄉雞 (KFC)

營業中

休息中

本來想去試下肯德基新口味，點知出曬事。一去到見到有成二十人排緊隊，雖然有開三個櫃台，但每個order都要處理幾分鐘，最終我等左十五分鐘有多先買到野食，期間見到大堂，好多盤食完放o係台面無人執，擺明人手唔夠。新口味脆雞係Pizza味，首先外皮炸得好脆，皮上面有好多茄汁同條狀芝士，茄汁偏酸，好開胃，芝士則有點咸味，由於炸雞既熱力令芝士呈半融狀態，食落去有小小煙韌既感覺，仲可以拉出絲狀。雞肉好滑，而且仲有小小汁同雞油，味道很豐富。另外仲有個小薯蓉，好熱好黏口，呈胡仔狀，個汁有D似黑椒味，但一D都唔辣。