揀咗個人氣no.1玫瑰雞翼，咸蛋黃雞翼同埋新口味章魚燒風味雞翼。再點杯鴨屎香檸檬茶。
1
三款雞翼味道都好好食，店員炒雞翼不停兜亂令醬汁包住晒雞翼外面。而入面嘅肉都好嫩滑，本身唔係好餓但都好味到食下一隻又一隻。
朋友鐘意食咸蛋黃味，濃郁惹味，蛋黃加熱後更加香酥，邪惡滿分！我個人就新口味就最好味，本身我就好鍾意食章魚小丸子同大阪燒嗰種味道，呢個雞翼夠晒香口再加埋我咁鍾意嘅口味，點可以停到口。加上面海量咁多嘅木魚絲，食落更加香同有口感，推介！玫瑰口味同樣出色，雞翼上放左玫瑰花瓣碎，好睇又好食！
至於杯鴨屎香檸檬茶比起平時港式嘅檸檬茶又更加多一種香氣。同青檸又有啲唔同，都幾特別，食左唔少惹味醬汁雞翼，飲返啖夠晒refreshing!
