土耳其小城 (德範大廈) (已結業)

話說老公最愛印度咖哩，有日我地經過呢間土耳其小城，見係中東菜又有老公鍾意食既咖哩，即刻衝入去試下😂點知老公話要變成佢飯堂，得閒就要黎再食👍🏻😋我地個日叫左印度咖喱雞加配埋牛油烤餅 ，辣度好夠好惹味😋烤餅又香又帶點煙韌，最鍾意就係加多多咖哩汁一齊食☺️超正！之後就叫左個素菜餅沙律，第一次食呢種素菜餅，小小香料味得黎又有健康既感覺。所有蔬菜都好fresh好爽口🥗🥗而我為左減少罪惡感就叫左個深海魚柳沙律 ，魚柳好脆完全唔似出面餐廳個種帶有雪藏味既，仲有生菜，蕃茄，洋蔥都係好清新同新鮮👍🏻仲試左個薄荷茶，食完濃味既野清一清辣味，唔錯既選擇！👍🏻👍🏻