たまご園 (北角匯) (已結業)

今個weekend終於試到一直好想食既蛋餐廳，之前已經聽朋友推薦過但每次經過都見到好多人排隊所以卻步，今個weekend 特登約朋友2 點幾行過去，結果唔使等位；黎之前我已經研究好menu順便睇下人地推薦食咩，所以好快已經落左order；燉牛肉蛋包飯好大份，而且係真旋渦蛋包飯，炒蛋非常滑溜，牛肉亦相當入味，淋上牛肉汁非常好下飯；五款玉子燒串香甜鬆軟，內餡滑嫩，帶有濃濃蛋香；最後上既海蝦明太子醬冷製意粉賣相最吸引，亦係我地成餐最期待，結果亦冇失望，侍應姐姐話上面既蛋白層唔使mix意粉，可以每次食既時候沾上少少來食，海蝦都有三四隻，最特別係第一次食到凍既意粉，食落同日本冷麵幾似，相當透心涼