呢間Chatterbox Express係快餐version，餐廳裝潢簡單光猛，可以用QR code或者到收銀落單，然後店員會送餐到座位上，好方便👍
文華海南雞飯 $112
套餐包括有機茶 (紅樹茶/蘋果茶/雜莓茶)
海南雞份量頗多，分別有雞胸同雞脾。雞肉嫩滑多汁，皮薄爽滑，雞味濃郁且已經去骨，方便享用；附送的雞清湯配有豆腐同椰菜絲，味道濃郁；油飯以濃雞湯及香料烹煮，份外香濃但唔會覺得肥膩；另外三色醬的黑醬油、薑蓉及辣椒醬蘸雞件同食，非常滋味！
咖哩豬肋骨煲配白飯及香脆薄餅 $122
套餐包括錫蘭奶茶
一個煲仔盛載著豬肋骨份量足夠，炆得夠淋又入味，而配料都好豐富，有茄子、秋葵同薯仔粒，全部都索晒咖哩汁，好鬼正☺️咖喱香味撲鼻，味道香濃帶點微辣，好適合下飯，薄餅炸得好酥脆，薄餅蘸咖哩汁同食，好惹味！
椰子雪糕 +$19
凡惠顧左一個套餐，就可以用優惠加配小食、時蔬或甜品各一客🤗我就加左個椰子雪糕黎食🤩
椰子味非常濃郁，味道清香天然，椰子雪糕口感綿密扎實，仲加入左椰絲增加口感，食落更滿足。
