Between (大新金融中心) (已結業)

唔知大家有冇去過大館嘅between？果度的確超好hea超舒服，打卡氣氛一流。不過大館果度真係日日都人山人海，等balcony嘅座位都可以等一兩個鐘，所以去一次就未必會再返去。知道屋企附近開咗between分店，即刻嗱嗱臨同男朋友行去試吓，我哋揀左星期六嘅上午去食個brunch。食評話三文治要試吓，咁我哋點左兩份日式三文治同埋薯條，sesame mountain/ 綠茶latte 同一杯黑咖啡。食完之後，我哋都覺得三文治就係普通三文治，好多地方都可以做到，我哋反而覺得咖啡飲品質素好過食物，冇食評啲人寫得話咁值得去試，或者下次試吓佢哋嘅麵食再評價。