行行下見到有間野出左半價壽司 朋友話之前食過呢間都OK既
咪試下囉
一入到去,侍應立即送上2杯熱茶,環境方面都幾舒服 岩曬同朋友傾計
呢度係自己寫紙落單 有d唔慣 不過侍應既禮貌都好好 值得一讚! 唔講咁多,入正題先!
魚生夠新鮮夠涷 搭配飯微暖既溫度 好好味
炸物都係新鮮炸起 食落重熱辣辣
海膽強烈推薦 入口甘甜 絕對絕對冇苦味 一流!
唯一美中不足係 赤貝細隻左小小 如果大隻d就重好正!
半價都俾到平時一貫既水準 值得一讚
$18既加州手卷 賣相不錯
赤蝦刺身 手板咁大隻 重要用冰底上
抵讚 蝦肉夠爽夠涷冇猩味.
登登登登! 全餐最好味既牡丹蝦
呢度$48 2件 重要整埋做壽司 蝦頭炸過
食落十分香脆 好似食緊卡樂b蝦條咁
而牡丹蝦肉質口感唔洗講啦
總之係王者啦!
總括黎講 呢度上菜速度比一般壽司店慢小小
可能因為半價壽司多人食 所以慢左小小啦
但整體食物質素幾好而家重有半價壽司限定優惠
性價比超高!
