溏心蛋 - $38
好入味，好香嘅醬油味又帶甜味，蛋味都幾香！流心蛋黃，好味！
路邊灘小食 - $68
有台灣腸仔，鹽酥雞同炸花枝丸
鹽酥雞都斷鮮嫩多汁，熱辣辣有3-4大件👍🏻花枝丸口感幾彈牙，炸都金黃色，腸仔就甜甜地，皮脆肉香！
紅燒牛肉麵 - $88
紅燒牛肉入味亦幾鬆軟，湯底濃厚，麵條薄身得黎又好滑，配菜蘿蔔都煮到入哂味！
茶香三文魚湯漬飯 - $98
呢個係日式料理黎，但做得幾好喎，菜漬飯湯底香濃日式高湯味，三文魚帶適量嘅調味煎得金黃色好香亦唔腥，另外配有脆米，柴魚片，櫻花乾可以加落湯底拌飯一齊食，好食！
黑糖奶茶(凍) 加胚芽 - $38
好夠黑糖味，加埋胚芽更香❤️
玫瑰紅棗桂圓茶(熱) - $46
好養身，有一個茶壺慢慢倒出嚟飲😁玫瑰味令人relax
冰淇淋拼芒果吉士可頌窩夫 (配曲奇冰淇淋) - $68
為呢一餐作一個完美嘅句號！吉士味好香濃配焗到金黃色嘅牛角包🥐窩夫，一啖窩夫一啖雪糕一熱一凍好正，一個酥香鬆脆，一個香滑雪糕，美味😎
