影片
更多
2007-04-11
42 瀏覽
本來呢個係我第一個食評, 都應該留番一線, 講下好野既!但係我真係覺得呢間野請我去我都唔會再去多次!尋日我d fd 幫我補祝生日, 我個識飲識食既朋友嬋嬋就響果度book左張檯同我地食lunch。我地點左個芝士海鮮焗飯同茄汁海鮮蛋包飯, 而每個飯都會有一份自助式既沙津同餐飲跟番。先講食物質素: 沙律唔錯, 尤其是係佢既薯仔沙律, d著仔碎得黎又有d 咬口, 好味!!!茄汁海鮮蛋包飯都叫做ok既, 但係個茄汁比較特別, 只係得好少既酸味, 食落完全無開胃既感覺!!! 可能因為佢入面d飯都落左d 類似茄汁既調味料炒過既關係啦……反而我地都覺得個芝士海鮮焗飯幾好食! 有幾香既芝士味!但係d service 就真係好麻麻, 話說我地有兩杯餐飲, 咁我地都唔夠分, 所以就得我同其中一個fd有得飲。咁個waitress無啦啦行埋黎話落餐飲, 第一杯我好快就落左, 但係到第二杯, 由於我d fd都好禮讓, 就唔知邊個飲好, 亦都唔知落乜。個waitress等等下(其實都係十幾秒既時間)竟然唔耐煩, 話"咁我幫你地cancel番杯野飲啦!!!"其實你係趕時間, 可以講句"轉頭先幫你落啦"。呢間係caf
尋日我d fd 幫我補祝生日, 我個識飲識食既朋友嬋嬋就響果度book左張檯同我地食lunch。我地點左個芝士海鮮焗飯同茄汁海鮮蛋包飯, 而每個飯都會有一份自助式既沙津同餐飲跟番。
先講食物質素: 沙律唔錯, 尤其是係佢既薯仔沙律, d著仔碎得黎又有d 咬口, 好味!!!
茄汁海鮮蛋包飯都叫做ok既, 但係個茄汁比較特別, 只係得好少既酸味, 食落完全無開胃既感覺!!! 可能因為佢入面d飯都落左d 類似茄汁既調味料炒過既關係啦……
反而我地都覺得個芝士海鮮焗飯幾好食! 有幾香既芝士味!
但係d service 就真係好麻麻, 話說我地有兩杯餐飲, 咁我地都唔夠分, 所以就得我同其中一個fd有得飲。咁個waitress無啦啦行埋黎話落餐飲, 第一杯我好快就落左, 但係到第二杯, 由於我d fd都好禮讓, 就唔知邊個飲好, 亦都唔知落乜。個waitress等等下(其實都係十幾秒既時間)竟然唔耐煩, 話"咁我幫你地cancel番杯野飲啦!!!"
其實你係趕時間, 可以講句"轉頭先幫你落啦"。呢間係cafe, 唔係一般茶餐廳!!! 點解個waitress好似趕時間到自己決定幫我地cancel我地無人要果杯野飲既呢?? 定係我地身上無著d乜野名牌, 先得到呢d "禮遇"呢? 之後佢送上凍檸茶, 竟然係無糖水!!! 我飲完亦都覺得係苦苦地! 事後我叫佢俾糖水我, waitress亦無半點唔好意思!!! (定係ucc 既檸茶不嬲都唔使落糖水既呢?)
有日本UCC Cafe既品牌同價錢, 但係呢間野d service完全交唔足貨!!! 相比佢既對手pokka cafe, 呢間野真係……
張貼