石一燒 (富多來新邨一期) (已結業)

2018年嘅第一餐，我選擇同男朋友仔由旺角行到去大角咀呢間小店。原本book咗七點半，去到嘅時候小店已經坐滿了一半人。應該係老闆娘嘅侍應非常貼心，原先佢安排咗一張二人枱畀我哋兩個，但係見我哋坐得有小小迫，因為冬天有大褸，同埋買咗幾袋戰利品，之後佢主動安排一張四人枱畀我哋。所以坐得非常鬆動。呢啲細心嘅安排都係一啲加分為位然後佢好主動咁向我哋解釋小店裏面有唔同嘅肉類可以挑選，最後我哋揀咗一份豬腩肉同埋一份羊扒。肉類有分兩個份量，我哋兩個人食，所以就挑選咗兩款肉類，分別都係細份的。每份肉類都會跟一碗菇，所以感覺特別健康 燒肉之前，老闆娘為我哋端上熱辣辣嘅麵豉湯，同埋非常脆口嘅沙律菜，感覺非常之清新。 上肉嘅時候，老闆娘亦都會好細心咁解釋每款肉類喺石燒上面嘅方式，同埋時間。不過要注意，當在燒熱咗嘅石上面燒肉嘅時候，要小心肉汁飛濺到衣服上，建議唔好坐太近張枱。小食方面我哋叫咗一個煮蜆味道非常特別，湯底 十分甜應該用品質良好嘅白蘿蔔去餚製。 比較特別一提嘅係，小店會奉上黑松露醬。如果份量唔夠，仲可以添。 另外，我哋叫咗兩個跟餐，所以每人有一碗紫菜飯和飲品。最後還有每人一個甜品--大福。店內會播放著