Heart Coffee (已結業)

佐敦地鐵站附近有好多好嘢食，放工約咗朋友喺附近gathering，揀咗依間食西餐/coffee嘅餐廳，餐廳主要白淺色色系為主，有少少綠色盆栽做點綴，文青舒適，入到去環境光猛，坐得舒服。Menu有好多選擇，有各款西餐菜式，例如brunch ，牛扒，意粉等等，亦有各款Keto菜式，當然唔少得有咖啡甜品蛋糕。小食我哋嗌咗焗蟹肉多士，多士焗得卜卜脆，上面鋪嘅蟹肉都算多，咬落仲有陣陣蛋香，味道濃郁。Main course 我哋叫咗個美國肉眼(300g)share食，肉質煮得啱啱好，配埋牛肝菌汁一齊食味道配搭唔錯，仲有西蘭花同薯蓉做配菜，好味又豐富。嚟得coffee shop當然唔少得coffee，呢杯earl grey latte拉花好靚，係兩隻兔仔嘅圖案呀飲落好香濃嘅earl grey味，甜度亦都啱啱好。甜品我哋就嗌左Keto black sesame cheesecake，蛋糕好Q彈，面頭亦都鋪滿左芝麻粒，食落有平時食豆腐嘅口感，芝麻味濃郁，相反芝士味會比較淡少少，但整體來講都唔錯，冇普通芝士蛋糕咁滯呢。