影片
更多
2020-06-07
1184 瀏覽
呢日又回到我成長嘅地方，同舊同學食飯聚舊，我哋見呢間餐廳個名咁搞笑，加上裝修又好似唔錯，就入去試下。餐廳主打台灣菜，但同時亦有得食烤肉🥩。朋友話唔想食咁多肉，所以我哋主要食台菜。餐牌好多公仔同文青字句😂。朋友勁擦得，我哋食咗四樣嘢，勁飽。鹽酥大大雞扒配魯肉飯附送前菜三小碟($78)，🐔雞扒同魯肉飯係分開上㗎，份量好多！如果一人一個主菜應該會飽哂食唔落其他嘢。前菜有花生、拍青瓜同木耳。等等蚵仔煎($60)，蚵仔煎個樣煎得幾唔錯，金黃色的，又幾香口，蚵仔同蛋嘅比例亦剛好，唔會淨係得餅👍。最緊要係蚵仔唔會腥。黑松露黃金花枝丸(6粒)($48)，每粒花枝丸上面加咗少少黑松露醬。我認為好食在於粒花枝丸本身，夠彈牙🦑。傳統手工魯肉配時菜($48)，魯肉同魯肉飯嗰啲一樣，時菜上面嘅魯肉仲多過飯，正啊！時菜係菜芯，每餐都要食返啲🥦蔬菜先健康嘛(扮哂嘢🤣)。芒果沙冰($30)，由於天氣太熱，去親九龍城點都要行段路，所以要嗌返杯凍飲降下溫。沙冰就啱哂呢，大大杯，芒果夠哂甜唔酸🤤。如果唔係防疾關係，無咁多膠板嘅話，應該可以睇清楚啲餐廳嘅裝修。不過而家咁睇，都覺得好潮、好摩登😆。(呢兩個形容詞老土到...)總
呢日又回到我成長嘅地方，同舊同學食飯聚舊，我哋見呢間餐廳個名咁搞笑，加上裝修又好似唔錯，就入去試下。餐廳主打台灣菜，但同時亦有得食烤肉🥩。
朋友話唔想食咁多肉，所以我哋主要食台菜。餐牌好多公仔同文青字句😂。朋友勁擦得，我哋食咗四樣嘢，勁飽。
鹽酥大大雞扒配魯肉飯附送前菜三小碟($78)，🐔雞扒同魯肉飯係分開上㗎，份量好多！如果一人一個主菜應該會飽哂食唔落其他嘢。前菜有花生、拍青瓜同木耳。
等等蚵仔煎($60)，蚵仔煎個樣煎得幾唔錯，金黃色的，又幾香口，蚵仔同蛋嘅比例亦剛好，唔會淨係得餅👍。最緊要係蚵仔唔會腥。
黑松露黃金花枝丸(6粒)($48)，每粒花枝丸上面加咗少少黑松露醬。我認為好食在於粒花枝丸本身，夠彈牙🦑。
傳統手工魯肉配時菜($48)，魯肉同魯肉飯嗰啲一樣，時菜上面嘅魯肉仲多過飯，正啊！時菜係菜芯，每餐都要食返啲🥦蔬菜先健康嘛(扮哂嘢🤣)。
芒果沙冰($30)，由於天氣太熱，去親九龍城點都要行段路，所以要嗌返杯凍飲降下溫。沙冰就啱哂呢，大大杯，芒果夠哂甜唔酸🤤。
如果唔係防疾關係，無咁多膠板嘅話，應該可以睇清楚啲餐廳嘅裝修。不過而家咁睇，都覺得好潮、好摩登😆。(呢兩個形容詞老土到...)
總括嚟講，呢間文青HeaHea台菜館都唔錯吖。食物味道同價錢都好合理，店員服務亦幾好，係食得好放鬆嘅一頓晚餐😊。我見隔離枱食燒肉好似都好正咁囉，有機會要試下！
張貼
