桔梗 (已結業)

心情不好的時候，朋友就係最好的依靠，今晚放工和一班同事來到旺角新開的桔梗，邊談心邊食晚飯。桔梗既空間感好大，有唔同樓層，樓上仲可以 Shisha ，加埋木系既設計好chill好relex. 我地六人就叫左四個risotto加套餐，另外點左兩份小食同2壺花茶。燉飯款款都唔同花樣同味道，海底世界 海龍王真的來了係有隻開邊龍蝦，肉質彈牙鮮味，飯則充滿左pesto 味，加埋爆醬溫泉蛋口感好 rich ，我哋叫左兩個都好快清晒。吃燉飯配串燒既故名思意係有豬肉同蔬菜既串燒，最特別係燉飯有花椒味，唔辣但有水煮魚既風味，加埋脆脆黎麦幾得意，口感豐富。松露小藍莓一開始以為會怪怪的，但烤野菇同松露奶油味道好夾，成碟都好重松露味，藍莓可能用 whisky 浸過，味道唔算搶，但解到膩。麵包同沙律呢啲 appetizer 都擺得好靚，引起食慾，果昔有啲酸酸甜甜十分開胃，成個食晒。食完晒野飲杯酸酸地既洛神花茶，或者香氣四溢既玫瑰花茶傾下偈都好寫意，呢間 cafe 既環境真係唔係易搵，相信好快下次再來。