Ocio (東港城) (已結業)

第ｎ次食呢間餐廳，每次同朋友想食文青少少嘅cafe都諗起呢間，環境舒服價錢又合理。炭燒美國封門柳伴薯條 $1897成熟 朋友唔鍾意食太生，於是揀咗7成熟，不過感覺上7成熟太熟了，令到啲肉有啲乾，不過呢個部位嘅肉好鮮嫩又肉味重。搭配醬汁仲有薯條，可以兩個人share食。餐湯麻糬雪山 $78加朱古力雪糕 $8個鑊仔裝住上枱，好得意適合打卡用，搭配雲呢嗱雪糕，原本唔知有雪糕仲額外加咗朱古力雪糕，旁邊仲有杏仁碎可以點住pancake食，pancake好香又軟綿綿，充滿蛋香味，裡面仲有加咗好多麻糬。熱情果檸檬梳打（少甜少冰） $15（跟餐價）個人鍾意呢杯多啲，熱情果加檸檬梳打好夾，飲落好清新，味道酸酸甜甜，但又唔會太甜，好適合夏天飲。岩鹽荔枝椰果梳打（少甜少冰） $48少甜之後都係偏甜，椰果份量都多，搭配荔枝梳打令口感更有層次。