哥哥添飯•妹妹泡茶 (已結業)

收工同朋友去食飯，揀咗呢間哥哥添飯•妹妹泡茶做落腳點。餐廳內環境舒適，好有文青格調，好啱同朋友仔一齊食飯丶傾計同relax！呢間餐廳主打台式食品同特飲，今次叫咗兩份食物，再升級做定食，定食包含前菜丶小菜丶主食丶甜品，樣樣齊全超豐富！特別係店中嘅特飲，更為出色！鹽酥炸雞 拼 魯肉飯鹽酥炸雞炸至金黃色，食落去香脆可口，超多肉汁，超好味！套餐所配嘅魯肉飯，飯底係用珍珠米，超有口感！岩鹽咸豬肉 拼 皮蛋醬生菜包
五花腩燒得剛剛好，放係岩鹽板上，好有賣相！而肉夾包就係食嘅時候，可以夾自己喜愛嘅配料係中間一齊食，而我就比較喜愛搽多啲皮蛋醬係入面，充滿咸香味道，入口一啲都唔油膩！甜品-泡芺套餐會包一份是日甜品，就係原味同朱古力口味嘅泡芺，超滿足！薰衣草芒果烏龍未飲已經能夠嗅到超香花果味！特別係薰衣草嘅香味！飲完之後，發現薰衣草同芒果嘅味道非常夾，而且薰衣草可以減壓，好啱上班一族啊！乳酪芝芝水蜜桃 大大杯份量嘅店式飲品！入口清香，加上台灣愛玉，好味又有層次感！正！