神經餵飼 (已結業)

靚裝修再加上我又係一個「木」控，所以點都要嚟試一試，不過一入門口就已經好似感覺怪怪，唔知係咪見到我哋D一家大細嘅大叔就唔係好歡迎全間店都係九十後好後生！我只係拎部相機出嚟影就過嚟唔俾我影話影響到客人我哋上咗去上層，呢度只可以坐地下食，如果唔慣嘅朋友就唔好上去環境都幾清新幾舒服，餐具都好靚點食要自己落番樓下點，冇人上嚟服侍！望住餐牌就叫咗兩款，京葱露筍牛柳粒丼$85都算幾貴，食佢賣相＋環境，入口其實都普普通通，牛柳粒得幾粒飯又唔多！生薑洋葱豚肉丼$82,豬肉都林易入口，不過對我嚟講都係唔夠飽呢個地方都係啱後生仔女嚟食影相出post呃吓like差唔多，對於我呢D真心想食好嘢嘅人嚟講就唔太啱！