影片
更多
2021-07-18
1163 瀏覽
雖然自己並非素食者，但近年自從試過唔同素食後，都唔太抗拒幫襯素食餐廳，開始覺得食素都可以係一個有趣又較健康嘅體驗。當日去下一個行程前尚有啲時間，就同友人造訪呢間小有名氣嘅純素餐廳。全日早餐 $148 純素版全日早餐款式估唔到都頗豐盛，包括有植物肉漢堡扒、鷹嘴豆沙、酸種麵包、大啡菇、牛油果、綜合水果同沙律菜。以Impossible Meat製成嘅植物肉漢堡扒可以模仿真肉嘅肉碎口感，配以半融素芝士另添一份鹹香。大啡菇亦值得欣賞，咬落多汁厚身。綜合水果．奇亞籽．果昔燕麥碗 $98水果燕麥碗份量驚人，適合兩人開心share。殼物有粟米片同麥片，配以奇亞籽、芒果、香蕉同無花果等配料，整體感覺透心涼又清爽。抹茶紅豆純素蛋糕 $54初嚐純素蛋糕，可能因為不含蛋奶成份，口感比想像中結實，相對無咁濕潤。抹茶紅豆味幾濃郁，偶爾會食到紅豆粒增添口感。忌廉雖稱唔上十分輕盈，但亦未至於膩口。伯爵茶純素蛋糕 $54同樣小巧可愛嘅伯爵茶純素蛋糕，味道相較抹茶紅豆來得清淡沉實，如果茶香味可以再濃香啲、餘韻更悠長會更好。蝶豆花柚子梳打 $50具漸層效果嘅梳打特飲，拌勻後可以飲到柚子嘅清甜蜜味，感覺幾潤喉。香蕉芒果沙冰
全日早餐 $148
純素版全日早餐款式估唔到都頗豐盛，包括有植物肉漢堡扒、鷹嘴豆沙、酸種麵包、大啡菇、牛油果、綜合水果同沙律菜。
以Impossible Meat製成嘅植物肉漢堡扒可以模仿真肉嘅肉碎口感，配以半融素芝士另添一份鹹香。大啡菇亦值得欣賞，咬落多汁厚身。
綜合水果．奇亞籽．果昔燕麥碗 $98
水果燕麥碗份量驚人，適合兩人開心share。
殼物有粟米片同麥片，配以奇亞籽、芒果、香蕉同無花果等配料，整體感覺透心涼又清爽。
抹茶紅豆純素蛋糕 $54
初嚐純素蛋糕，可能因為不含蛋奶成份，口感比想像中結實，相對無咁濕潤。抹茶紅豆味幾濃郁，偶爾會食到紅豆粒增添口感。忌廉雖稱唔上十分輕盈，但亦未至於膩口。
伯爵茶純素蛋糕 $54
同樣小巧可愛嘅伯爵茶純素蛋糕，味道相較抹茶紅豆來得清淡沉實，如果茶香味可以再濃香啲、餘韻更悠長會更好。
蝶豆花柚子梳打 $50
具漸層效果嘅梳打特飲，拌勻後可以飲到柚子嘅清甜蜜味，感覺幾潤喉。
香蕉芒果沙冰 $52
欣賞沙冰嘅溫度唔會過凍，質感亦攪拌至綿密細滑嘅程度，香蕉味幾突出，可惜唔太品嚐到芒果味。
題外話：欣賞餐廳非常關心香港社會狀況同為香港打氣，可惜服務態度有待改善，自助點單時感覺店員唔太想理客人，有簡單問題都唔太樂意解答。希望呢點可以改善吓，以免影響食客對餐廳觀感。
張貼
