幸圓 (已結業)

今晚去了幸圓吃晚飯，餐廳外型裝修好簡約，走日式風。女朋友試了幸圓海鮮丼，有三文魚油甘魚，海膽，赤身，帶子，魷魚，赤蝦，鯖魚，八爪魚，香蔥吞拿魚蓉，蟹籽及三文魚子，材料非常豐富，每個角度都見到滿滿嘅魚生，食材都好新鮮各有特色，勁鍾意食三文魚魚籽，又鮮又甜，中間嘅帶子及海膽都非常好味，不會將貨就價！估唔到呢度有西式主菜推介，鹽燒加拿大保濕豬安配蜜糖芥末籽汁，西餐嘅賣相伴碟好靚，有啲食用花，好多烤過嘅蔬菜及食用花，個豬非常鮮嫩又濕潤，食得到肉嘅甜味，又唔會有豬躁味，甜甜地的芥末籽汁，少少辛辣，食起嚟冇咁油膩，加上配菜，口感更加豐富，如果多啲蔬菜或加薯蓉就更好啦！自家製草莓焗鬆餅，賣相精緻，士多啤梨又香又甜，忌廉做得好香滑，鬆餅有口感，幾實在，甜度啱啱好，旁邊仲有少少紅及白色的甜霜，帶點酸甜，混合一齊食，味道更加好！女士通常都鍾意叫杯特飲，荔枝啫喱特飲，有荔枝蘋果汁及古拉索酒，顏色非常鮮艷，入口酸酸甜甜，荔枝味突出，夏天嘅感覺出晒嚟。