Nomad (已結業)

.【太子】Nomad —1️⃣蒲燒鰻魚漢堡配青檸鹽薯條2️⃣海膽忌廉汁蟹肉意大利飯 .水泥牆、水泥樓梯配木踏板，加上木櫈同咕𠱸作擺設，成為呢一間日式咖啡店Nomad嘅吸引之處同熱門打卡位置。.餐廳採用簡約設計，分上下兩層。下層前庭用水泥牆身，餐廳內部則用純白色牆身，配上所有木製高腳傢具，充滿日式氣氛，使餐廳環境令人感覺放鬆同和諧。.Ball今次就試左蒲燒鰻魚漢堡配青檸鹽薯條同海膽忌廉汁蟹肉意大利飯。厚實嘅鰻魚、香甜可口嘅醬汁，加上生菜同蘑菇做配菜，令成個漢堡增色不少，而且薯條用左比較少見嘅青檸鹽，鹹鹹酸酸，令人難忘。香濃幼滑嘅海膽忌廉汁，加上脆口惹味嘅炸豬皮，令到意大利飯充滿豐富口感。.如果大家鍾意日系風同想去條樓梯度打下卡，可以去Nomad試下架。提提大家，搭車記得去太子落車，因為佢近太子多過深水埗架。