桔梗 (已結業)

假期開始了，同兩個女出去旺角，行到雅蘭附近個女話肚餓，search下見到有間幾潮嘅餐廳，好適合年青人就入吃去。買嘢食係以自助形式，廚房係開放式一目了然，座位亦係隨意選擇，樓底極高，有成三層，非常舒適而且空間感好大。今日叫咗佩佩豬意粉，鮭魚女王意粉，飲品就係鮮奶朱古力，桔梗奶昔。佩佩豬意粉即係肉醬意粉，蕃茄鮮味芳香，好重肉碎味，鍾意食肉醬意粉嘅一定鍾意佢嘅蕃茄醬夠rich，鮭魚女王意粉係煙燻三文魚配白汁，煙燻三文魚肉質唔會散開，意粉軟硬度亦非常適中。兩杯飲品都唔錯，鮮奶朱古力鮮奶味較重，而桔梗奶昔就係香蕉加雲呢拿大出嚟嘅奶昔，質感好厚身。