Ocio (東港城) (已結業)

呢日到訪東港城呢間日系小清新餐廳，印象中食物質素唔錯，環境都舒服好坐。​奧斯牛肉漢堡扒全日早餐（$118）- 分量十足，入面有漢堡扒、炒蛋、腸、薯條、蕃茄、茄汁豆、窩夫、para ham、沙律菜等。漢堡扒味道幾好，入面肉質juicy，唔會鞋口。薯條炸得好脆好乾身，炒蛋亦整得相當滑。蒜香雞肉菠菜忌廉手工闊麵（$128）- 雞肉分量唔少，加埋菠菜忌廉汁，入口非常creamy。手工闊條麵好煙韌彈牙，吸收咗忌廉汁，味道十分濃郁。套餐包埋餐湯（粟米忌廉湯）同$33以下嘅飲品，我哋點咗雜莓乳酸梳打同熱情果檸檬梳打各一（每杯補差價$15@），兩杯都點咗少冰少甜，味道啱啱好，清新解渴。