TOOLSS (已結業)

日式咖喱唐揚雞肉嫩蛋便當 $65唔好睇個便當好似好細個咁，對一個大食女仔嚟講，佢都滿足到我嘅！典型日式甜咖喱嘅味道，唐揚雞件佔咗1/3個便當，係令人感到心靈滿足同埋飽肚嘅原因。雖然唐揚雞件浸咗落甜咖喱度，但外皮都依然帶點脆，呢點要一讚。嫩蛋的確係嫩蛋，滑滑的，有蛋香味！出街食嘢比較難有均衡飲食，呢度嘅便當有瓜又有菜，有少少調味，唔hea，掂！椰子咖啡 $40飲得出椰子味係嚟自椰子糖漿，但又未至於好假嘅椰子味。嗯，佢嘅咖啡味都好香濃嘅，相信佢嘅無糖漿咖啡會比較出色啲。「TOOLSS」嘅裝修同佈置係文青風，內面仲有好多特色文具。不過，佢係小店，座位少，比較適合2-4人。