影片
更多
2023-07-03
92 瀏覽
全港最大最平嘅貓Cafe 一「 Urban Cafe」開到去荔枝角，新店位置鄰近地鐵站，環境明亮潔淨，空間仲十分寬敞。雖然主角係貓，但其實食物質素比預期高，而且價錢唔貴，無Mark-up之餘，亦無最低消費，得閒過黎坐下玩下貓都幾寫意。先講食物：楓糖漿蕃薯條 ($68): 酥香甜美，蕃薯味幾重加埋楓糖漿更香甜，但唔會太膩。安格斯封門牛柳伴黑松露燒汁 ($188): 封門柳肉質鬆軟，牛味比較濃郁，向來都係我Favourite。Medium熟度，肉色粉嫩，嫩滑具肉汁，幾好食。四重芝士肉醬蝴蝶粉 ($98): 肉醬調味適中，酸酸甜甜味道唔錯，加左少量芝士都幾香口，「四重」芝士呢個Term聽落好似好多，但比預期少。但相信大部份人過來都係為左玩貓，而非只食一頓豐富晚餐。無特別問/數有幾多隻貓，但一定有逾三四十隻，貓貓可自由在店內活動，除左可以係Common Area玩，佢地亦會隨時坐係你張枱旁邊，但佢地被訓練過一般唔會主動食客人嘅食物。而呢度亦有提供罐罐/乾糧比食客購買，親自餵貓貓食，大部份人都會買，而每枱好似限購一罐。大部份貓都幾親人，男女老幼都玩得好開心，得閒黎放鬆下都唔錯。
雖然主角係貓，但其實食物質素比預期高，而且價錢唔貴，無Mark-up之餘，亦無最低消費，得閒過黎坐下玩下貓都幾寫意。先講食物：
楓糖漿蕃薯條 ($68): 酥香甜美，蕃薯味幾重加埋楓糖漿更香甜，但唔會太膩。
安格斯封門牛柳伴黑松露燒汁 ($188): 封門柳肉質鬆軟，牛味比較濃郁，向來都係我Favourite。Medium熟度，肉色粉嫩，嫩滑具肉汁，幾好食。
四重芝士肉醬蝴蝶粉 ($98): 肉醬調味適中，酸酸甜甜味道唔錯，加左少量芝士都幾香口，「四重」芝士呢個Term聽落好似好多，但比預期少。
但相信大部份人過來都係為左玩貓，而非只食一頓豐富晚餐。無特別問/數有幾多隻貓，但一定有逾三四十隻，貓貓可自由在店內活動，除左可以係Common Area玩，佢地亦會隨時坐係你張枱旁邊，但佢地被訓練過一般唔會主動食客人嘅食物。而呢度亦有提供罐罐/乾糧比食客購買，親自餵貓貓食，大部份人都會買，而每枱好似限購一罐。
大部份貓都幾親人，男女老幼都玩得好開心，得閒黎放鬆下都唔錯。
張貼
