一入門香料既香味就湧出來, 精神為之一振. 先黎一杯青檸梳打, 飲一啖真係舒服晒. 再黎半打牛肉沙爹, 份量唔多但都幾精緻. 有2串燒得比較老左少少, 但個沙爹真係一流, 唔會好甜, 花生味突出之餘竟然有好重既香茅味, 如果可以係辣既應該會更好. 最後海南雞終於上場, 呢度既醬真係都較得唔錯, 酸辣醬酸同辣既平衡岩岩好又夠味, 唔似出面個D淡而無味, 黑豉油先勁, 非常甘厚又唔會死咸,仲帶有少少甘味會回甘, 勁!! 酸酸既配菜加上嫩滑既雞肉係最近食過最好的. 油飯既光澤唔錯, 雞油味同埋香料令到咁大碗飯都食得晒, 唯一可惜既地方就係唔夠喉!
