萬發海鮮菜館 (已結業)

專誠過海嚟試下，七個人食咗八樣嘢，記得有以下:老虎斑:最貴個味(一斤十幾兩重，要收五百幾蚊)，蒸得十分好，魚身剛熟又夠滑，但好可惜有少少火水味，相信係養斑。鼓油煎竹節蝦:非常出色，蝦又大隻又有膏，蝦肉好甜，煎嘅火候極佳，依家諗起都流口水。炒蟶子k,都幾鮮甜，個豉椒汁惹味。蒸蟹蟹唔係好大隻，個真係頂角膏蟹，蟹亦夠肉，正沙薑雞：幾香，唔錯鼓椒炒栢葉:用嘅係黑栢葉，夠咬口又有原味。炒芥蘭同炒"偶"片都唔錯，可見個厨房除咗海鮮外整小菜都好得。呢到價錢唔算平，但海鮮水準好，比起西貢呢d地方亦毫不遜色，所以以食海鮮嚟講我個人覺得都萛抵，唔怪得門口坐滿等位嘅人。