Daily 13 (已結業)

這楝工廠大廈有好幾間西餐廳，最近發現了這間在13/F，睇食評好似好吸引，今日本來諗住去海之戀食飯，但突然好大雨，諗起這裹，就來了。門口的佈置好靚，好有心思海景view，好正餐廳環境好靚，好舒服的感覺餐牌清楚沙律好大碟，麻醬好味，夠香也夠fresh忌廉湯味道OK，稀左些呀。凍檸茶，細心的有個墊墊住。馬沙里拉芝士忌廉汁腸肉磨菇長通粉，個名好長，感覺似白汁長通粉，長通粉軟硬適中，有d磨菇腸仔同香草，唔會好濃味，汁都夠多。大蝦煙肉辣蕃茄汁扁麵，個賣相也幾吸引的，大蝦夠爽口，意粉也彈牙，不過如果d汁多d仲好味。甜品係雪糕，好甜同奶味比較重。