Twelve Cupcakes (已結業)

作為公司出色嘅跑腿，今日咁啱得咁橋有同事離職， 就要幫手去買餅， 嚟到九龍塘呢間好出名嘅cupcake， 之前一直都未試過，估唔到今日有人請，多謝老細。 諗都唔使諗梗係每隻款每樣一舊，一次過攞幾打返去， 個人覺得最好食嘅就係朱古力味，朱古力味夠曬香濃， 最重要買嗰個姐姐仔又有教我，千祈唔好放落雪櫃，因為放咗入雪櫃會唔夠好食，個蛋糕會硬咗。當然返到去即食就完全冇問題啦。 其實佢仲有啲加錢款， 不過同事budget有限都係唔好亂咁嚟， 費事因間破壞咗人哋盆數， 下次如果自己食，就可以加錢啦。