Dabyida Restaurant and Bar (已結業)

自己靜靜一個人食野係一種另類享受，當然要配合番安靜既環境因為之前經過望見依間環境氣氛，一直好想黎坐下，所以今次終於比我黎到而且揀左一個最少人既時段食下午茶～環境好有氣氛，有電視，背景放著優和音樂，幽暗既燈光令我覺得好放鬆舒服全部都係沙發既坐位，環境寬大好有空間感，我最中意坐係窗邊位睇街景，而且可以享受下日光沙發比較矮，但坐落好大好舒服，安安靜靜一個好享受，差少少訓著～因為得兩三枱客既關係，上食野速度比較，飲品先上，點左凍檸茶，旁邊放左一小杯糖漿，依度既檸茶有別於茶餐廳，佢係用純茶而唔係紅茶，所以唔加糖漿只會飲到茶味，因為個人中意紅茶加檸檬既酸甜感，所以我總覺得依杯唔係我杯茶xd西冷意大利粉，份量對一人黎講好足夠，意粉有好香濃既蕃茄味，而且茄醬好夠多，令意粉好入味，而且會食到少少既香草味～而西冷本來以為會好細塊，出到黎都覺得有啲驚喜，切成六大塊，雖入味但肉質比較韌，較難咬開PP既至愛～薯角，香脆可口，熱度適中，唔會太乾身，我會點上意粉既茄醬一齊食呢～