冬蔭公公 (已結業)

相信呢間連鎖式既泰國菜大家都唔陌生，今次就選擇係到解決我既午餐。下午2-3點無乜人，唔洗等位就入得，見隔離台食緊叻沙好似幾吸引，所以自己就叫埋一份，仲加多左個泰式酸辣鳳爪、泰國豆奶。叻沙湯式充滿椰香，可惜唔夠辣，整體都算濃，啲面都掛到湯。可惜碗面配料就小左啲，得幾舊豆卜、羅白咁。鳳爪一早已經起左骨，食起上黎唔洗就住就住，個汁好夠辣，酸酸辣辣好開胃。泰式豆奶雪到好凍，充滿豆香但味道有啲啖，好似維*仲好飲。