日悅極尚日式放題 (已結業)

同朋友講起想食放題，一於食盡佢。見到呢間日悅尚日式放題唔錯。兩個半鐘時間都好多，就過黎食下。放題當然唔少得刺身。最愛三文魚，油香滿溢。卷物選擇都豐富，叫左芝士鰻魚卷，金龍卷同牛油果軟殼蟹卷。最愛軟殼蟹鬆脆既口感。黑松露玉子啖啖黑松露醬既香味，如果玉子嫩滑d就好。清酒煮蜆，蜆肉鮮甜。流心香蕉，脆皮貓山王，啖啖榴槤漿，鐘意榴槤既朋友不容錯過。天掃羅外脆外軟，最鐘意炸蝦，裡面既蝦肉重係好彈牙。Movenpick同哈根大師雪糕好吸引。哈根大師既士多啤梨味雪糕更係好多果肉粒，口感豐富。