Iro Iro Japanese Restaurant (已結業)

朋友搵到新工,梗要去慶祝下. 主角提議食日本放題,仲訂埋位,揀位於佐敦的Iro Iro Japanese Restaurant.聽就聽得多,日式放題我都係第一次食. 一人價錢$168任飲任食兩個鐘,到訪當日雖然只係平日,但都坐滿約八成,心諗應該唔錯呱...先講魚生和壽司,魚生都幾新鮮,尢其喜愛個帶子; 相對地壽司比較失色,舊壽司一挾就散,仲要散成一分為五那種...天婦羅都唔錯,尢其個蝦好掂,夠大隻之餘蝦肉又爽. 至於其他疏菜都幾好,唔會落過量炸粉.另外有碟炸物(因為唔係我點所以唔知有無名堂)... 炸蠔唔錯,夠大隻; 豬扒一般,雞翼太硬; 鹽燒青魚和多春魚都太鹹.仲有芝士煙肉燒蠔同燒牛舌, 味道唔錯,牛舌好厚; 牛肉鍋雞軟骨串都OK. 仲有勁大碗的豬骨湯拉麵,味道一般,而我都飽到食唔晒...以上仲未包括好多細細碟的食物,如枝豆,沙律等等等等... 好豐富的一餐.甜品有綠茶&芝麻雪糕選擇,唔執輸梗係人人兩球試晒啦... 可惜綠茶雪糕只有濃濃的奶味,乜茶味都無;芝麻則OK.雖然唔可以話勁好食,但我覺得都唔失禮,部份食物味道真係唔錯. 離開時睇到門口個牌原來九點半後入座每位$140; 如果可