御滿屋日本料理

好耐冇食放題lu，難得今次夾齊人，當然係擦餐勁嘅啦！今次揀咗旺角嘅御滿屋食放題，食完餐勁嘅，仲可以去對面雅蘭行街買衫添，好方便！😘

我地叫嘅燒羊架嘅嘅肉好林，唔痴牙，個個都鍾意食，我哋總共encore 咗幾次！😃

encore 之選

炸天婦羅都相當唔錯，😏我哋總共叫咗好幾份天婦羅蝦🦐，南瓜天婦羅同蟹棒天婦羅，天婦羅蝦好大隻，南瓜天婦羅好甜，蟹棒天婦羅唔太大件，兩口啱啱食得晒。

天婦羅

仲有任飲嘅梅酒🍾tim，初時係朋友睇錯以為係酸梅湯，倒左一大杯，後尾先知係酒⋯⋯硬着頭皮咁飲晒佢，點知飲飲下，佢又話幾好飲，天氣凍凍地啱晒暖身。

梅酒

同埋飯後點可以唔食啲水果呢？！我哋揀咗燒菠蘿🍍燒菠蘿好甜，冇乜渣，同埋唔鞋口，真係好健康呀！

燒菠蘿