御前牛盛日式涮涮鍋 (已結業)

幾個朋友黎食放題，柴娃娃最開心，今次放題以鍋物為主，平日夜晚九點只係每人$159，超抵食，加$30可以食埋刺身添。湯底有12種選擇，鴛鴦就要每位加$18，我地要左椰子雞湯，都幾有椰香，仲有滑滑既雞肉食添，湯底味偏咸，其實不用豉油醬料已夠味。不過見出面醬料配料好多款，有蒜蓉、蔥粒、辣椒仔、炸蒜...應有盡有，忍唔住拎左一碟返黎，同最特別係有生蛋可拎，將牛肉沾蛋汁同豉油食一流！飲品款式都幾多，我揀左清熱既竹庶茅根同羅漢果，無咁甜的選擇，健康之選。平時出街食飯好難食到菜，吃鍋的好處係可以狂食菜，叫左西洋菜、菠菜、油麥菜、白菜仔、旺菜、窩筍片、蓮藕片，全部都好新鮮，有摘過洗得乾淨切好左，油麥菜特別香甜，窩筍好少食到，係油麥菜個頭，削左外層硬既部分，裡面好嫩呢。叫得御前牛盛，牛肉類果然好有水準，叫左美國牛肉片同加拿大牛肩胛，比我想象的更好，切成薄薄片，好有牛香味，又唔靭，口感幾好，我較喜歡多脂肪果隻，油脂邪惡但又更美味！鮮腐竹亦要推介，吸晒湯汁好好味，柔軟得來層次豐富，鮮蝦雲吞皮薄餡靚，味道新鮮，韓國香菜水餃個味就有點怪。呢個熊頭魚丸好鬼可愛！百幾元放題，質素唔錯，性價比高，最欣賞係班年輕店員，