滿屋日本料理 (大鴻輝(荃灣)中心) (已結業)

同友人喺荃灣行街睇戲，行到大鴻輝揀咗呢間未食過嘅放題醫下肚仔。被安排坐卡位好闊落，可以叫到成枱野食。雪櫃有好多款飲品選擇，連酒精飲品都有得揀。外面有自助海鮮吧好特別，另外仲有沙律吧同少量炸物。白灼蝦爽口彈牙，青口同蜆都好鮮甜。刺身都好新鮮，三文魚同劍魚腩好肥美，北海道海螺有嚼口，甜蝦雖然比較細隻但味道鮮甜。鹽燒鯖魚皮脆肉嫩，但比較多骨。有機鮮菠蘿清甜多汁。鹽燒雞翼味道偏咸，但外皮燒得幾脆口。西京比目魚味道好甜。芝麻雞翼燒得皮脆肉嫩，好好味。牛油炒粟米健康好味。廣島蠔鍋細細鍋份量唔錯，湯底有點偏甜，蠔大大粒好肥美！雖然呢間放題有漏單嘅情況但都唔算多，上菜速度都算快，食物質量都唔錯，值得一試。