滿屋日本料理 (大鴻輝(荃灣)中心) (已結業)

好耐冇食放題，食放題真係好舒壓，食完真係心靈身心都好滿足！好，坐低睇吓有咩好食先。出面仲有熟食，飲品，海鮮，甜品自由攞。刺身壽司，色澤光鮮夠新鮮，帶子好鮮甜，正！炸物，炸到熱辣辣脆卜卜，炸粉又唔厚又香脆，芝麻雞翼辣辣地我最愛。雞翼唔止一款，仲有黑松露芝士釀雞翼，滷水雞翼。燒羊架，啖啖肉，嗰種香草同孜然粉嘅味道，將羊肉嘅蘇味大大降低。辣酒煮蜆，辣得來唔會遮住蜆嘅鮮味。牛舌，厚肉之餘夠腍身，食完可以再食。黃金燒帆立貝，燒得好香，半溶嘅芝士忌廉醬，好好味。和風汁牛肉粒，牛肉粒一啲都唔韌，唔錯。除咗出邊嘅雪糕甜品，每人仲有一款名牌雪糕。