大滿喜日本料理 (已結業)

每次食放題都係好多人等位，好彩醒目一早bk左位，所以一黎度就入得。其實都好耐無食過放題。 大滿喜竟然做到用app落單，真係方便又環保。有刺身、壽司🍣、串燒、炸物、甜品🍮、鍋物🥘。不過要注意既係記得一次過揀晒先落單，因為落左一張單之後，要隔幾分鐘先可以重新下單。另外仲有自助野食區💁🏻‍♀️海鮮有青口。甜品區有生果同甜品。熟食區有炸雞🍗章魚小丸子、老火湯 西湯。前菜區有沙律🥗前菜。糖果區有夾糖。飲品方面係自助飲品區，除左普通罐裝飲品啤酒之外，仲有清酒🍶梅酒、橙汁、椰青水。刺身 - 種類都好多而且好新鮮完全無雪味。三文魚厚切肥美。赤蝦夠大隻。甜蝦蠑螺肉都好鮮甜。蒲燒鰻魚 - 係我既至愛，香香甜甜肉質嫩滑。鹽燒牛舌 - 火喉控制得岩岩好燒得好香色澤好靚 食落爽口彈牙。燒有機菠蘿 -又係必食之選又甜又多汁。鐵板蒜香一口牛 - 蒜味好香好重一口牛好腍身入口即溶。