滿屋日本料理 (大埔超級城C區)

營業中

休息中

好耐無食日式放題，所以就約左朋友同我食，呢間滿屋之前都有食過，品質幾好所以再幫襯。😊餐廳環境乾淨企理，如果想私隱度高啲可以選擇卡位。飲品種類都有幾多，而且仲有啤酒提供。🍺呢度嘅刺身相當新鮮，所以都叫咗好幾轉，自己勁鍾意食赤蝦所以叫咗一大盤。😝除咗刺身高質外，另外重叫咗幾款壽司同其他食品。燒菠蘿勁甜又多汁。😋避風塘炒墨魚仔十分香口，非常惹味。最後食埋 Häagen-Dazs 雪糕，非常滿足咁埋單。