滿屋日本料理 (大鴻輝(荃灣)中心) (已結業)

自己平時一向都好少食自助餐、放題！因為胃仔細細食唔到咁多嘢，成日覺得好蝕🤣不過今日晏晝嗰餐都冇點食嘢，好肚餓😣就破例就同我個大胃男朋友一齊嚟試吓！呢日雖然係閑日，不過好似都坐滿晒人！好彩咁啱有枱唔使等位！呢度選擇好多，又有熟食區😍見到有我至鍾意食嘅葡撻，即刻夾返兩件！食落仲暖暖哋，唔會太甜❣️作為一個養生人，所以打算先叫咗一啲熱嘅嘢食墊一墊個胃再食刺身同埋壽司🍣想講個黑松露汁蘑菇芝士釀雞翼真係好食到不得了！完全想像唔到原來放題啲嘢食都可以咁高質咁好食👍🏻一啖咬落去，爆曬啲蘑菇芝士出嚟🤤啖啖肉！牛柳粒亦都相當驚喜！食落係有肉汁，唔會乾爭爭👍🏻壽司都有好多選擇，舊飯唔會太大！炸物同天婦羅亦都相當有驚喜！真係新鮮即叫即炸🔥另外每人都可以叫一杯Haagen Dazs、Movenpick、Dreyers雪糕🍦食完真係大滿足❣️咁耐冇食放題，先發現原來放題嘅食物都可以咁高質！必定會再推介朋友過嚟試😍